Temos leiras (leiras)!
...que parece que somos potentadas. E non! O único que fixemos foi aliarnos con Os Biosbardos para coller un dos seus leiriños, un bancal agroecolóxico situado en Cambre que, con sorte, nos dará cebolas, aromáticas e follas verdes para todo o ano.
Que ofrecemos
Desde primeira hora e ata as 15.30h, de luns a sábados, na Parva ofrecémosvos bebidas quentes e frías, torradas, bocadillos, cremas de verduras ou legumes e untables. Todo feito a diario con produtos do mercado e de proximidade, para tomar na nosa terraza ou para levar.
Almorzos
Ademais do café, o cacao ou a infusión, servimos torradas de pan artesán con manteiga, escuma de tomate ou marmeladas caseiras. Tamén temos froita!
Parvas
Para aguantar a mañá, propoñemos pequenos bocados doces e salgados para acompañar cun zume, unha caña ou o que máis che preste.
Xantar
Preparamos cremas de verduras ou legumes, untables vexetarianos e bocadillos para comer na nosa terraza interior ou para levar para a casa. Cada día unha variedade distinta!
Venda
Para facer un regalo ou coidarse, temos unha ampla variedade de viños, conservas, aceite, cafés ou infusións de calidade producidas na nosa contorna.
Bocata de queixo e tomate seco: unha historia siciliana
Foi aló polo 2014, cando aínda se podía viaxar. Podíanse facer tantísimas cousas con despreocupación… Ou talvez non, pero a memoria xa se sabe. A cousa é que alí nos plantamos as tres colegas que adoitabamos viaxar cada verán –cada […]
Seguir lendo
Cátering, estrela invitada
Faise saber! Desde hai un tempiño, a nosa cantina prepara cáterings para que poidades amenizar as vosas celebracións con ‘mininovaras’ e outros bocatas, untables multicolores e produtos incribles do noso mercado. San Agustín achégase a vós para que non teñades de mover un coitelo!
Seguir lendo
